1ܐܝܼܢܵܐ ܒܘܼܬ ܡܸܢܕܝܼ ܕܦܵܝܸܫ ܓ̰ܘܼܡܸܥܝܵܐ ܠܩܲܕܝܼܫܹ̈ܐ؛ ܐܲܝܟܼ ܕܦܩܸܕܠܝܼ ܠܥܹܕܵܬܹ̈ܐ ܕܓܵܠܵܛܝܼܵܐ؛ ܗܲܕܟܼܵܐ ܐܘܼܦ ܐܲܚܬܘܿܢ ܥܒܼܘܿܕܘܿܢ. 2ܒܚܵܕَܒܼܫܹܒܵܐ ܟܠ ܐَܢܵܫܵܐ ܡܸܢܵܘܟܼܘܿܢ ܗܵܘܹܐ ܡܲܬܘܼܒܹܐ ܠܟܸܣ ܓܵܢܹܗ ܘܒܸܢܛܵܪܵܐ ܐܲܝܟܼ ܕܡܲܢܬܹܐ؛ ܕܐܝܼܡܲܢ ܕܐܵܬܸܢ ܗܿܝܓܵܗ ܠܵܐ ܗܵܘܝܼ ܓ̰ܡܵܥܝܵܬܹ̈ܐ. 3ܘܐܝܼܡܲܢ ܕܐܵܬܸܢ؛ ܠܐܵܢܝܼ ܕܓܵܒܝܼܬܘܿܢ ܒܸܬ ܫܵܕܪܸܢܘܿܢ ܒܐܸܓܲܪܬܵܐ؛ ܕܠܵܒܠܝܼ ܫܵܦܵܩܲܬܵܘܟܼܘܿܢ ܠܐܘܿܪܸܫܠܸܡ. 4ܐܝܼܢܵܐ ܐܸܢ ܚܵܫܸܚ ܫܘܼܠܵܐ ܕܐܘܼܦ ܐܵܢܵܐ ܐܵܙܹܠَܢ؛ ܐܘܼܦ ܐܵܢܝܼ ܐܵܙܠَܝܼ ܥܲܡܝܼ. 5ܐܝܼܢܵܐ ܒܸܬ ܐܵܬܸܢ ܠܟܸܣܠܵܘܟܼܘܿܢ ܐܝܼܡܲܢ ܕܥܵܒܼܪܸܢ ܡ̣ܢ ܓܵܘ ܡܵܩܹܕܘܿܢܝܼܵܐ؛ ܣܵܒܵܒ ܗܲܪ ܒܸܬ ܥܵܒܼܪܸܢ ܡ̣ܢ ܓܵܘ ܡܵܩܹܕܘܿܢܝܼܵܐ. 6ܘܡܩܵܘܡܵܐ ܐܘܼܦ ܠܟܸܣܠܵܘܟܼܘܿܢ ܥܲܪܩܸܠܸܢ؛ ܝܲܢ ܦܵܝܫܸܢ ܒܣܸܬܘܵܐ؛ ܕܐܲܚܬܘܿܢ ܡܲܦܫܸܛܝܼܬܘܿܢ ܠܝܼ ܠܐܲܝܟܵܐ ܕܐܵܙܸܠَܢ. 7ܣܵܒܵܒ ܠܹܐ ܒܲܥܝܸܢ ܕܐܵܕܝܼܵܐ ܚܵܙܸܢܵܘܟܼܘܿܢ ܒܥܒܼܵܪܬܵܐ؛ ܣܵܒܵܒ ܒܗܹܒܼܝܼ ܝܘܸܢ ܕܒܸܬ ܥܲܪܩܸܠܸܢ ܚܲܕَ ܙܲܒܼܢܵܐ ܠܟܸܣܠܵܘܟܼܘܿܢ؛ ܐܸܢ ܡܵܪܝܼ ܝܵܗَܒܸܠܝܼ ܕܲܣܬܘܼܪ. 8ܐܝܼܢܵܐ ܒܸܬ ܥܲܪܩܸܠܸܢ ܒܐܵܦܸܣܘܿܣ ܗܲܠ ܦܲܢܛܸܩܘܿܣܛܹܐ؛ 9ܣܵܒܵܒ ܬܲܪܥܵܐ ܓܘܼܪܵܐ ܦܸܫܠܹܗ ܦܬܝܼܚܵܐ ܐܸܠܝܼ ܘܡܸܠܝܵܐ ܦܘܼܠܚܵܢܹ̈ܐ؛ ܘܕܲܪ̈ܩܘܼܒܼܠܵܝܹ̈ܐ ܪܵܒܵܐ ܝܢܵܐ. 10ܐܝܼܢܵܐ ܐܸܢ ܐܵܬܹܐ ܠܟܸܣܠܵܘܟܼܘܿܢ ܛܝܼܡܵܬܹܐܘܿܣ؛ ܚܙܹܐܡܘܿܢ ܕܗܵܘܹܐ ܕܠܵܐ ܙܕܘܼܥܬܵܐ ܠܟܸܣܠܵܘܟܼܘܿܢ؛ ܣܵܒܵܒ ܦܘܼܠܚܵܢܵܐ ܕܡܵܪܝܵܐ ܟܹܐ ܦܵܠܸܚ ܐܲܝܟܼ ܕܝܼܝܼ. 11ܒܲܣ ܠܵܐ ܐَܢܵܫܵܐ ܡܲܣܠܹܐ ܠܹܗ؛ ܐܸܠܵܐ ܡܲܦܫܸܛܘܿܢ ܠܹܗ ܒܫܠܵܡܵܐ ܕܐܵܬܹܐ ܠܟܸܣܠܝܼ؛ ܣܵܒܵܒ ܒܸܣܦܵܪܵܐ ܝܘܸܢ ܐܸܠܹܗ ܥܲܡ ܐܵܚܘܿܢܘܵܬܹ̈ܐ. 12ܐܝܼܢܵܐ ܐܵܦܲܠܘܿ ܐܵܚܘܿܢܵܐ؛ ܪܵܒܵܐ ܦܘܼܪܦܸܠܝܼ ܒܝܹܗ ܕܐܵܬܹܐ ܗَܘܵܐ ܠܟܸܣܠܵܘܟܼܘܿܢ ܥܲܡ ܐܵܚܘܿܢܘܵܬܹ̈ܐ؛ ܘܗܲܪ ܠܵܐ ܗَܘܹܐܠܵܗ̇ ܠܹܗ ܪܸܙܵܝܵܐ ܕܐܵܕܝܼܵܐ ܐܵܬܹܐ ܠܟܸܣܠܵܘܟܼܘܿܢ؛ ܐܝܼܢܵܐ ܐܝܼܡܲܢ ܕܗܵܘܝܵܐ ܠܹܗ ܦܸܪܣܲܬ؛ ܒܸܬ ܐܵܬܹܐ ܠܟܸܣܠܵܘܟܼܘܿܢ. 13ܦܘܼܫܘܿܢ ܪܥܝܼܫܹܐ؛ ܟܠܹܐܡܘܿܢ ܒܗܲܝܡܵܢܘܼܬܵܐ؛ ܗَܘܹܐܡܘܿܢ ܓܲܒܼܪܹ̈ܐ؛ ܘܦܘܼܫܘܿܢ ܚܘܼܠܸܢܹܐ. 14ܘܟܠܵܝܗܝ ܫܘܼܠܵܘ̈ܟܼܘܿܢ ܒܚܘܼܒܵܐ ܗܵܘܝܼ. 15ܐܝܼܢܵܐ ܦܲܪܦܘܼܠܹܐ ܝܘܸܢ ܒܝܼܵܘܟܼܘܿܢ؛ ܐܵܚܘܿܢܘܵܬܝܼ̈؛ ܟܹܐ ܝܲܕܥܝܼܬܘܿܢ ܠܒܲܝܬܹܗ ܕܐܸܣܛܲܦܵܢܲܐ؛ ܕܪܹܫܝܼܬܵܐ ܝܠܹܗ ܕܐܵܟܼܵܐܝܼܵܐ؛ ܘܡܘܼܬܸܒܼܠܘܿܢ ܓܵܢܵܝܗܝ ܠܚܸܠܡܲܬ ܕܩܲܕܝܼܫܹ̈ܐ؛ 16ܕܐܘܼܦ ܐܲܚܬܘܿܢ ܗܵܘܝܼܬܘܿܢ ܙܲܒܛ ܠܐܵܢܝܼ ܕܝܼܢܵܐ ܗܲܕܟܼܵܐ؛ ܘܠܟܠ ܐَܢܵܫܵܐ ܕܗܲܝܸܪ ܥܲܡܲܢ ܘܕܓ̰ܵܗَܝܹܐ. 17ܘܒܸܚܕܵܝܵܐ ܝܘܸܢ ܒܐَܬܵܝܬܹܗ ܕܐܸܣܛܲܦܵܢܲܐ؛ ܘܕܦܵܪܛܘܼܢܵܛܘܿܣ؛ ܘܕܵܐܟܼܵܐܝܼܩܘܿܣ؛ ܕܒܵܨܘܿܪܘܼܬܵܐ ܕܝܼܵܘܟܼܘܿܢ ܐܵܢܝܼ ܬܘܼܡܸܡܠܘܿܢ. 18ܣܵܒܵܒ ܡܘܼܢܚܸܠܘܿܢ ܪܘܼܚܵܐ ܕܝܼܝܼ ܘܕܝܼܵܘܟܼܘܿܢ. ܒܲܣ ܗܵܘܝܼܬܘܿܢ ܒܝܼܕܲܥܝܵܐ ܠܐܵܢܝܼ ܕܝܼܢܵܐ ܗܲܕܟܼܵܐ. 19ܒܝܼܵܗَܒܼܵܐ ܝܢܵܐ ܫܠܵܡܵܐ ܐܸܠܵܘܟܼܘܿܢ ܥܹܕܵܬܹ̈ܐ ܕܓܘ ܐܵܣܝܼܵܐ. ܒܝܼܵܗَܒܼܵܐ ܝܢܵܐ ܫܠܵܡܵܐ ܐܸܠܵܘܟܼܘܿܢ ܪܵܒܵܐ ܒܡܵܪܲܢ ܐܵܩܸܠܘܿܣ ܘܦܪܝܼܣܩܸܠܵܐ؛ ܥܲܡ ܥܹܕܬܵܐ ܕܓܵܘ ܒܲܝܬܵܝܗܝ. 20ܒܝܼܵܗَܒܼܵܐ ܝܢܵܐ ܫܠܵܡܵܐ ܐܸܠܵܘܟܼܘܿܢ ܟܠܵܝܗܝ ܐܵܚܘܿܢܘܵܬܹ̈ܐ. ܗܲܒَܠܘܿܢ ܫܠܵܡܵܐ ܚܲܕَ ܠܗ̇ܘ ܐَܚܹܪَܢܵܐ ܒܢܫܘܼܩܬܵܐ ܩܲܕܝܼܫܬܵܐ. 21ܫܠܵܡܵܐ ܒܟܬܵܒܼܬܵܐ ܕܐܝܼܕܵܐ ܕܝܼܝܼ ܦܵܘܠܘܿܣ. 22ܐܸܢ ܐَܢܵܫܵܐ ܠܵܐ ܡܲܚܸܒ ܠܡܵܪܲܢ ܝܼܫܘܿܥ ܡܫܝܼܚܵܐ؛ ܗܵܘܹܐ ܡܘܼܚܪܸܡܵܐ. ܡܵܪܲܢ ܐܸܬܹܐ. 23ܫܵܦܵܩܲܬܹܗ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡܵܘܟܼܘܿܢ. 24ܚܘܼܒܝܼ ܥܲܡ ܟܠܵܘܟܼܘܿܢ ܒܡܫܝܼܚܵܐ ܝܼܫܘܿܥ؛ ܐܵܡܹܝܢ.